माओवादी केन्द्र र अखिल (क्रान्तिकारी) काे संयुक्त आयाेजनामा सरसफाई कार्यक्रम सम्पन्न
सिफल कालोपुल अवस्थित धर्मभक्त माथेमा सालिकको परिसर मन्दीर प्राङ्गण परिसर क्षेत्रमा सरसफाई
काठमाडौ । नेकपा (माओवादी केन्द्र) काठमाडौ महानगरपालिका ७ नम्बर वडा समितिले सरसफाई कार्यक्रम सम्पन्न गरेको छ ।
काठमाडौ महानगरपालिका ७ नम्बर वडा समिति र अखिल (क्रान्तिकारी) काे संयुक्त आयाेजनामा ‘आफ्नो ठाउँ, आफै बनाऔँ’ भन्ने मूल नाराका साथ काठमाडौंको सिफल कालोपुल अवस्थित धर्मभक्त माथेमा सालिकको परिसर मन्दीर प्राङ्गण परिसर क्षेत्र लगाएत ठाउँमा सरसफाई गरेको हो ।
सरसफाई कार्यक्रमलाई अखिल ( क्रान्तिकारी) का निबर्तमान केन्द्रीय उपाध्यक्ष इन्द्र भुषालले सम्बोधन गरेका थिए । उनले सम्बोधनकै क्रममा ७ नम्बर वडावासी नागरिक, समाजसेवी, बुद्धिजिबीहरु लगाएत सबै ठाउँमा आ-आफ्नो क्षेत्र ,आ-आफ्नो टोलमा नियमीत रुपमा सरसफाई गर्न आग्रह समेत गरेका थिए ।
उक्त सरसफाई कार्यक्रममा वडा पार्टीको नेतृत्व, वडाबासी नागरिक, समाजसेवी, बुद्धिजिबी, अखिल (क्रान्तिकारी) बानेश्वर बहुमुखी क्याम्पस समितिकाे नेतृत्व , पशुपति बहुमुखी क्याम्पस समितिकाे नेतृत्व लगाएत युवा विद्यार्थीहरुकाे उपस्थिति रहेको थियो ।
२४ कात्तिक २०८१, शनिवार १२:१७ बजे प्रकाशित
