काठमाडौँ । गायक खुमन अधिकारी र गायिका गायत्री थापाको स्वर रहेको पञ्चेबाजामा आधारित लोकदोहरी गीत ‘मीठो बोली’को म्युजिक भिडियो सार्वजनिक भएको छ।

बिबी थापाको शब्द र महेन्द्र भण्डारीको लय रहेको गीतको एरेन्ज आशीष अविरलले गरेका हुन्। गीतको म्युजिक भिडियोमा दुर्गेश थापा, सम्पदा र निरुलाई प्रमुख रुपमा प्रस्तुत गरिएको छ। प्रेमका भावनाले ओतप्रोत गीतको भिडियोमा दुर्गेश सम्पदा र निरुको त्रिकोणात्मक प्रेमकथालाई प्रस्तुत गरिएको छ।

भिडियोको छायांकन दुर्गा पौडेल, सम्पादन अमृत चापागाईं र कोरियोग्राफी अनिश लामाले तयार गरेका हुन्।