छायाँकार नबराज उप्रेती र आश्मा गिरीकाे रोमन्स (भिडियाेसहित)

Nepal Life Insurance Long Ad

पछिल्लो समय सांगीतिक क्षेत्रमा धेरै गीतहरु बजारमा आएको छन् । त्यस मध्यपनि यो शुक्रबार १५ वटा भन्दा बढी गीत एकै दिन रिलिज भएका छन् । यसले गर्दा झन ठुलो प्रतिस्पर्धा भएको महसुस गर्न सकिन्छ । सोही क्रममा स्टुडियोको ब्यानरमा “साँचो माया” बोलको गीत डिजिटल बजारमा सार्बजनिक भएकोको छ।

यस गीतमा गायिका अस्मिता अधिकारी र राजु सेन्चुरीको स्वर रहेको छ भने शब्द, संगीत राजु सेन्चुरी र संगीत संयोजन बिशाल निरौलाको रहेको छ। सेवा रेकर्डिङ्ग स्टुडियोमा रेकर्ड भएको यस गीतलाई मुकारुङ्ग मुस्कान राइले मास्टरिङ्ग गरेका हुन्।

नेपाली सांगीतिक क्षत्रका सु – प्रसिद्ध छायाँकार नबराज उप्रेती र मोडेल आश्मा गिरीको अभिनय रहेको उक्त गीतको भिडियोमा प्रविन भट्टको सम्पादन, राजेन्द्र मोक्तानको रंग संयोजन, बिमला तामाङ्गको श्रृगार, शिव शरण न्यौपानेको छायांकन, मौसम हिमालीको कोरियोग्राफी तथा प्रकाश भट्टको निर्देशन रहेको छ।

सधै पर्दा पछाडी रहेर अरुलाइ क्यामेरामा उतार्न खप्पिस छायाँकार नबराज उप्रेती यस पटक आफै मोडेल बनेर आश्मा गिरीसंग स्क्रिन रोमन्स गरेका छन् । गीतमा माया प्रेमका साथै सुन्दर दृश्यहरुलाइ भरपुर कैद गरिएको छ। सधै अरुले स्क्रीनमा रोमान्स गरेको हेर्ने यस गीतका मोडेल उप्रेती आफैमा एक कुशल मोडल भएर यस गीतमा रोमान्स गरिरहेको हेर्न पाइन्छ।

२६ चैत २०७८, शनिवार ११:२८ बजे प्रकाशित

प्रतिक्रिया दिनुहोस्

सम्बन्धित शीर्षकहरु