ललितपुरको भट्टेडाँडामा जीप दुर्घटना : तीनको मृत्यु, एक जना गम्भीर

काठमाडौं । ललितपुरको बागमती गाउँपालिका–३ भट्टेडाँडा नयाँगाउँमा सोमबार राति बोलेरो जीप दुर्घटना हुँदा ३ जनाको मृत्यु भएको छ। दुर्घटनामा एकजना जना घाइते भएका छन्।

मृत्यु हुनेमा चालक विशाल तामाङ, भट्टेडाँडाकै १७ वर्षीया सुनिता लोप्चन र १८ वर्षीया सरिता मोक्तान रहेको ललितपुर प्रहरीले जनाएको छ।

बा ५ च ५६९६ नम्बरको बोलेरो राति साढे ९ बजे सडकबाट खसेर थियो। दुर्घटनामा गम्भिर घाइते भएका मकवानपुरका रमेश तामाङको टिकाभैरवस्थित आनन्दवन अस्पतालमा उपचार भइ रहेको महानगरीय प्रहरी परिसर जावलाखेलका प्रहरी नायव उपरीक्षक अपिलराज बोहराले जानकारी दिए।