भारतमा कोरोनाबाट मृत्यु हुनेको संख्या १६ हजार नाघ्यो, एकैदिन २० हजार बढी संक्रमित फेला
वि.सं.२०७७ असार १४ आइतवार ०९:५४
shares

काठमाडौं । भारतमा कोरोनाभाइरसबाट सङ्क्रमितको संख्या दिनप्रतिदिन बृद्धि हुँदै गइरहेको छ । अघिल्ला दिनहरुमा भन्दा पछिल्ला दिनहरुमा दैनिक सङ्क्रमितको संख्या बढ्दै गइरहेको तथ्यांकले देखाएको छ ।
अहिले एसियाकै महामारी केन्द्र बनिरहेको भारत विश्वमा कोरोना संक्रमित देशको लहरमा चौथो स्थानमा छ । एसियाली देशहरूमा भने सबैभन्दा बढी कोरोना भाइरसक संक्रमितहरू भारतमै फेला परेका छन् ।
अहिले भारतमा कारोनभाइरसबाट मृत्यु हुनेको संख्या १६ हजार नाघेको । वर्डोमिटर्सका अनुसार आइतबार बिहानसम्म भारतमा कोरोनाभइरसबाट मृत्यु हुनेको संख्या १६ हजार १०३ पुगेको छ । पछिल्लो २४ घण्टाको अवधिमा भारतमा ४ सय १४ जनाको मृत्यु भएको छ भने २० हजार १३१ जना कोरोना सङ्क्रमित भेटिएका छन् । योसँगै देशभरी अहिलेसम्म सङ्क्रमितको संख्या ५ लाख २९ हजार ५५७ पुगेको छ ।
अहिले भातरमा २ लाख ३ हजार ३२८ जना सङ्क्रमित अवस्था मै रहेका छन् । तीमध्ये ८ हजार ९४४ जनाको अवस्था भने गम्भीर रहेको छ । त्यसैगरी ३ लाख १० हजार १४६ जना सङ्क्रमण मुक्त भएर घर फर्किसकेका छन् ।
भारतमा पछिल्लो समयमा लकडाउनलाई खुकुलो बनाउदै लगिएको र परिक्षणको मात्रा पनि बढाइएकाले सङ्क्रमितहरुको संख्या धेरै देखिँदै गएको अधिकारीहरुले बताएका छन् ।









