काठमाडौं । नेपाल प्रहरीको एसएसपी बढुवा सिफारिसप्रति एक दाबेदार अधिकृतले असन्तुष्टि जनाएका छन् । एसपी नान्तीराज गुरुङले बढुवा समितिद्वारा शुक्रबार साँझ सार्वजनिक सूचीमा आफू अन्यायमा परेको भन्दै असन्तुष्टि जनाएका छन् । उनी अहिले कर्णाली प्रदेश प्रहरी कार्यालयमा कार्यरत छन् ।

ब्याचीहरू बढुवामा पर्दा आफ्नो नाम नियतवश छुटाइएको उनको दाबी छ । कार्यसम्पादन मूल्यांकनको आधारमा सिफारिस गरेको भनिएपनि निष्पक्ष र स्वच्छरूपमा नभएको गुरुङले बताए । उनले आफ्नो र सूचीमा रहेकाहरूको कासमु सार्वजनिक गर्न चुनौतीसमेत दिएका छन् ।