काठमाडौं । सुनको अवैध पैठारी (तस्करी) नियन्त्रण सम्बन्धी जाँचबुझ आयोगमा चार जना सदस्य थपिएका छन्।

बिहीबार बसेको मन्त्रिपरिषद् बैठकले उक्त निर्णय गरेको सरकारको प्रवक्ता तथा सञ्चारमन्त्री रेखा शर्माले जानकारी दिइन् । आयोगको मागबमोजिम चारजना प्राविधिक जनशक्तिसहितको सदस्य थपिएको हाे । तर  आयोगमा थपिएका सदस्यहरू को हुन् भन्ने खुलिसकेको छैन।

असोज १४ गते बसेको मन्त्रिपरिषदको बैठकले जाँचबुझ आयोग गठन गर्ने निर्णय गरेको थियो। यसका लागि पुरानो गृह मन्त्रालयको भवनमा कार्यालय राखिएको छ।