भेनेजुएलाका राष्ट्रपति निकोलस मदुरो लाई नियन्त्रणमा लिइएको सैन्य अपरेसनमा अमेरिकी रक्षा संयन्त्रले आर्टिफिसियल इन्टेलिजेन्स प्रयोग गरेको खुलासा भएको छ। अमेरिकी रक्षा मुख्यालय पेन्टागनले उक्त अपरेसनमा एन्थ्रोपिक द्वारा विकसित ‘क्लाउडे एआई’ प्रणाली प्रयोग गरेको जानकारी अन्तर्राष्ट्रिय सञ्चारमाध्यमहरूले सार्वजनिक गरेका हुन्।

द वाल स्ट्रिट जर्नल र रोयटर्स का रिपोर्टअनुसार गत महिना काराकासमा सञ्चालन गरिएको अपरेसनको तयारीका क्रममा ठूलो मात्रामा संकलित गुप्तचर सूचनाको विश्लेषण गर्न एआई प्रयोग गरिएको थियो। उपग्रह तस्बिर, सञ्चार निगरानी र अन्य गोप्य डेटा विश्लेषण गरी मदुरोको गतिविधि र सम्भावित स्थान पहिचान गर्न प्रणालीले सहयोग गरेको जनाइएको छ।

रिपोर्टहरूका अनुसार एआईलाई प्रत्यक्ष आक्रमणको आदेश दिन वा लक्ष्य चयन गर्न प्रयोग गरिएको थिएन। बरु निर्णय प्रक्रियालाई छिटो र प्रभावकारी बनाउन सहायक उपकरणका रूपमा प्रयोग गरिएको थियो। अन्तिम निर्णय र आदेश भने मानव सैन्य अधिकारीहरूले नै दिएका थिए।

पेन्टागनका उच्च अधिकारीहरूले एआई प्रयोग भएको पुष्टि गरे पनि अपरेसनका विस्तृत विवरण सार्वजनिक गर्न अस्वीकार गरेका छन्। उनीहरूका अनुसार यो उन्नत एआई प्रविधिलाई गुप्तचर विश्लेषण र सैन्य योजना प्रक्रियामा समावेश गर्ने व्यापक रणनीतिक प्रयासको हिस्सा हो।

सान फ्रान्सिस्कोस्थित एन्थ्रोपिकले आफ्ना मोडेलहरू प्रत्यक्ष युद्ध नियन्त्रणभन्दा विश्लेषण, सारांश र सूचना प्रशोधनका लागि डिजाइन गरिएको बताउँदै आएको छ। तर रक्षा क्षेत्रमा व्यावसायिक एआई प्रयोग बढेसँगै नियमन र नैतिकतासम्बन्धी बहस पनि चर्किएको छ।

पछिल्ला वर्षहरूमा विश्वभर सैन्य क्षेत्रमा एआईको प्रयोग तीव्र रूपमा बढिरहेको छ। ड्रोन फुटेज विश्लेषण, उपग्रह निगरानी र विशाल डेटा प्रशोधनमा एआई प्रणालीले सूचना विश्लेषणको गति घण्टाबाट मिनेटमा झार्ने क्षमता देखाएको विश्लेषकहरूको भनाइ छ।

विशेषज्ञहरूका अनुसार यो घटना प्रयोगात्मक रक्षा कार्यक्रमबाट वास्तविक सैन्य परिचालनतर्फ एआईको रूपान्तरणको स्पष्ट संकेत हो। आधुनिक युद्धमा सूचना विश्लेषणको गति निर्णायक बन्दै गइरहेका बेला एआईको भूमिका झन् बढ्ने अनुमान गरिएको छ।

भेनेजुएलाका राष्ट्रपति निकोलस मदुरो लाई नियन्त्रणमा लिइएको सैन्य अपरेसनमा अमेरिकी रक्षा संयन्त्रले आर्टिफिसियल इन्टेलिजेन्स प्रयोग गरेको खुलासा भएको छ। अमेरिकी रक्षा मुख्यालय पेन्टागनले उक्त अपरेसनमा एन्थ्रोपिक द्वारा विकसित ‘क्लाउडे एआई’ प्रणाली प्रयोग गरेको जानकारी अन्तर्राष्ट्रिय सञ्चारमाध्यमहरूले सार्वजनिक गरेका हुन्।

द वाल स्ट्रिट जर्नल र रोयटर्स का रिपोर्टअनुसार गत महिना काराकासमा सञ्चालन गरिएको अपरेसनको तयारीका क्रममा ठूलो मात्रामा संकलित गुप्तचर सूचनाको विश्लेषण गर्न एआई प्रयोग गरिएको थियो। उपग्रह तस्बिर, सञ्चार निगरानी र अन्य गोप्य डेटा विश्लेषण गरी मदुरोको गतिविधि र सम्भावित स्थान पहिचान गर्न प्रणालीले सहयोग गरेको जनाइएको छ।

रिपोर्टहरूका अनुसार एआईलाई प्रत्यक्ष आक्रमणको आदेश दिन वा लक्ष्य चयन गर्न प्रयोग गरिएको थिएन। बरु निर्णय प्रक्रियालाई छिटो र प्रभावकारी बनाउन सहायक उपकरणका रूपमा प्रयोग गरिएको थियो। अन्तिम निर्णय र आदेश भने मानव सैन्य अधिकारीहरूले नै दिएका थिए।

पेन्टागनका उच्च अधिकारीहरूले एआई प्रयोग भएको पुष्टि गरे पनि अपरेसनका विस्तृत विवरण सार्वजनिक गर्न अस्वीकार गरेका छन्। उनीहरूका अनुसार यो उन्नत एआई प्रविधिलाई गुप्तचर विश्लेषण र सैन्य योजना प्रक्रियामा समावेश गर्ने व्यापक रणनीतिक प्रयासको हिस्सा हो।

सान फ्रान्सिस्कोस्थित एन्थ्रोपिकले आफ्ना मोडेलहरू प्रत्यक्ष युद्ध नियन्त्रणभन्दा विश्लेषण, सारांश र सूचना प्रशोधनका लागि डिजाइन गरिएको बताउँदै आएको छ। तर रक्षा क्षेत्रमा व्यावसायिक एआई प्रयोग बढेसँगै नियमन र नैतिकतासम्बन्धी बहस पनि चर्किएको छ।

पछिल्ला वर्षहरूमा विश्वभर सैन्य क्षेत्रमा एआईको प्रयोग तीव्र रूपमा बढिरहेको छ। ड्रोन फुटेज विश्लेषण, उपग्रह निगरानी र विशाल डेटा प्रशोधनमा एआई प्रणालीले सूचना विश्लेषणको गति घण्टाबाट मिनेटमा झार्ने क्षमता देखाएको विश्लेषकहरूको भनाइ छ।

विशेषज्ञहरूका अनुसार यो घटना प्रयोगात्मक रक्षा कार्यक्रमबाट वास्तविक सैन्य परिचालनतर्फ एआईको रूपान्तरणको स्पष्ट संकेत हो। आधुनिक युद्धमा सूचना विश्लेषणको गति निर्णायक बन्दै गइरहेका बेला एआईको भूमिका झन् बढ्ने अनुमान गरिएको छ।