‘विश्व सुुन्दरी २०१९’ बनिन् टोनी

२०७६ मंसिर २९ आइतवार
1.2K
shares
काठमाडौं । २०१९ को विश्व सुन्दरी ताज जमैकाकी सुन्दरी टोनी एन सिंहले जितेकी छिन् । नेपालको प्रतिश्पर्धी अनुश्का श्रेष्ठले ब्यटी विथ प्रिपस अवार्ड जितेकी छिन् ।
सन् २०१८ कि मिस वर्ल्ड विजेता मेक्सिकोकी भनेसा पोन्सले टोनीको शीरमा क्राउन लगाइदिँदै जिम्मेवारी हस्तान्तरण गरेकी थिइन् ।
२३ वर्षीया सिंह जमैकाको मोरान्टाकी हुन् । उनी फ्लोरिडा स्टेट युनिभर्सिटीबाट मनोविज्ञान र महिला अध्ययनमा स्नातक हुन् ।
मिस वर्ल्डको ताज जमैकाले कब्जा जमाएको यो चौथोपटक हो । यसअघि सन् १९६३, १९७६ र १९९३ मा पनि जमैकाकी युवती विश्व सुन्दरी घोषित भएका थिए ।
प्रतिस्पर्धामा फ्रान्सकी ओफेली मेजिनो फस्ट रनरअप र भारतकी सुमन राव सेकेन्ड रनरअप घोषित भएका छन् ।
मिस नेपाल अनुष्का श्रेष्ठले ‘मिस वर्ल्ड’ २०१९ मा ब्युटी विथ प्रपस’ अवार्ड जितेकी छन् । यसअघि उनी मल्टिमिडिया अवार्ड जित्दै उत्कृष्ट ४० मा पुगेकी थिइन् ।

२०७६ मंसिर २९ आइतवार