एआईजी दिपक थापाको स्वागत, श्याम ज्ञवालीको विदाई (तस्वीरमा हेर्नुहोस्)
काठमाण्डौ उपत्यका प्रहरी कार्यालयमा एआईजी दिपक थापाद्वारा पदभार ग्रहण
काठमाडौँ । प्रहरी अतिरिक्त महानिरीक्षक (एआईजी) दिपक थापाले काठमाण्डौ उपत्यका प्रहरी कार्यालय, रानिपोखरीमा पदभार ग्रहण गरेका छन् । साउन ३० गतेको मन्त्रिपरिषद् बैठकको निर्णय अनुसार सरुवा भएका एआईजी थापाले शनिबार उपत्यका प्रहरी कार्यलयमा हाजिर भएर प्रमुखको रुपमा पद सम्हालेका हुन् ।
साथै काठमाण्डौ उपत्यका प्रहरी कार्यालयबाट नेपाल प्रहरी प्रधान कार्यालय कार्य विभागमा सरुवा भएका प्रहरी अतिरिक्त महानिरीक्षक श्यामलाल ज्ञवालीको विदाई समेत भएको छ ।
नेपाल प्रहरी प्रधान कार्यालय प्रशासन विभागबाट काठमाण्डौ उपत्यका प्रहरी कार्यालयको कार्यालय प्रमुखमा हाजिर हुनु भएका अतिरिक्त महानिरीक्षक दिपक थापाको स्वागत कार्यक्रम सम्पन्न भएको हो ।
दुवै एआईजीहरुको स्वागत / बिदाईमा सम्मान सलामी अर्पण गरिएको थियो । साथै, स्वागत कार्यक्रम पश्चात उपत्यकाको विषयवस्तु सहितको संक्षिप्त प्रस्तुतीकरण प्रस्तुतिको कार्यक्रमको आयोजना गरिएको थियो ।
फोटो फिचर
९ भदौ २०८०, शनिवार १३:५२ बजे प्रकाशित
