काठमाडौ ।  समुदाय- प्रहरी साझेदारी कार्यक्रम अन्तर्गत प्रहरी बृत्त नयाँबानेश्वर, सामुदायिक प्रहरी सेवा केन्द्र बानेश्वर ३१ को संयुक्त आयोजनामा कामपा. ३१ वडा कार्यालय नमुना महिला विकास समितिको सहकार्यमा जनचेतनामूलक प्रशिक्षण कार्यक्रम भएको छ ।

आज बुधबारका दिन शान्तिनगर स्थित कामपा. ३१ वडा कार्यालयको सभाहलमा मानव बेचबिखन कसुर सम्बन्धी पिडितको पहिचान गरी उद्धार गर्न र उक्त कसुरको रोकथाम तथा न्यूनिकरण गर्ने प्रयोजनार्थ INTERPOL बाट संचालित “ Operation Storm Makers II” विषयक Operation संचालन गर्ने योजना बमोजिम मानव बेचबिखन तथा ओसारपसार बिरुद्धको जनचेतनामूलक प्रशिक्षण कार्यक्रम सम्पन्न भएको हो ।

प्रहरी बृत्त नयाँबानेश्वरका कार्यालय प्रमुख प्र. ना. उ.  शिवराज बुढाथोकीद्धारा प्रदान गरिएको प्रशिक्षण कार्यक्रममा कामपा. ३१ वडाका वडा अध्यक्ष लगाएत अन्य जनप्रतिनिधिहरू, श्री नमुना महिला विकास समितिका पदाधिकारी तथा सदस्यहरु र स्थानिय महिलाहरू समेत गरी  कार्यक्रममा ७५ जनाको उपस्थिति रहेको थियो ।