प्रहरी अतिरिक्त महानिरीक्षक भण्डारीद्धारा द्धितीय हुन सफल नेपाल प्रहरीका तेक्वान्दो खेलाडी तथा प्रशिक्षकहरु सम्मानित
वि.सं.२०८० मंसिर २२ शुक्रवार १७:०६
11.97K
shares
shares
काठमाडौ । राष्ट्रीय प्रहरी प्रतिष्ठानका कार्यकारी निर्देशक एवं नेपाल प्रहरी खेलकुद समितिका सदस्य सचिव प्रहरी अतिरिक्त महानिरीक्षक सन्दिप भण्डारीद्धारा द्धितीय हुन सफल नेपाल प्रहरीका तेक्वान्दो खेलाडी तथा प्रशिक्षकहरुलाई सम्मान गरेका छन् ।
जिल्ला तेक्वान्दो संघ सिन्धुपाल्चोकद्वारा २०८० मंसीर १९ गते देखि २० गतेसम्म संचालन भएको “तेस्रो सिन्धु राष्ट्रिय तेक्वान्दो प्रतियोगिता(२०८०” मा नेपाल प्रहरीका खेलाडीहरु सहभागी भई ७ स्वर्ण, ६ रजत र १ कास्य गरी कुल १४ पदक प्राप्त गरी टिम ईभेन्ट्समा द्धितीय हुन सफल नेपाल प्रहरीका तेक्वान्दो खेलाडी तथा प्रशिक्षकहरुलाई आज अतिरिक्त महानिरीक्षक भण्डारीले एक कार्यक्रमका बीच सम्मान गरेका हुन् ।
बधाई ज्ञापनका क्रममा प्रमुख अतिथिले पछिल्लो समयमा नेपाल प्रहरीले तेक्वन्दो खेलमा मात्र नभई फुटबल, भलिबल तथा कराते लगायतका खेलहरुमा समेत सफलता प्राप्त गरिरहेको र सो सफलताबाट आफु प्रफुल्लित भएको कुरा वताउनुका साथै आगामी दिनहरुमा खेलाडीहरुको उच्च प्रदर्शनको अपेक्षा सहित उज्ज्वल भविष्यको कामना समेत गरेका थिए ।
उक्त कार्यक्रममा प्रतिष्ठानका निर्देशक, अ.अ. विद्यालयका प्रधानाचार्य, सह निर्देशकहरु लगायत सिनियर प्रहरी अधिकृतहरु समेतको उपस्थिति रहेको थियो ।
तस्वीरमा हेर्नुहोस्
National Police Academy बाट साभार
