विश्वकपमा सहभागी हुने खेलाडीलाई नेपाल प्रहरीको बिदाइ
काठमाडौं । अमेरिका र वेष्ट इन्डिजमा हुने आईसीसी टी-२० विश्वकप क्रिकेट प्रतियोगितामा सहभागी हुने खेलाडी नेपाल पुलिसले शुभकामना तथा बिदाइ गरेको छ ।
विश्वकप खेल्ने पुलिसमा आबद्ध ६ खेलाडीलाई शुक्रवार शुभकामना तथा बिदाइ गरिएको हो । पुलिसका कुशल भुर्तेल, दीपेन्द्रसिंह ऐरी, करण केसी, गुल्सन झा, सागर ढकाल र ललित राजवंशीले विश्वकप खेल्ने टोलीका खेलाडीलाई शुभकामना तथा बिदाइ गरिएको हो ।
उनीहरूलाई नेपाल प्रहरीका प्रहरी महानिरीक्षक वसन्तबहादुर कुँवरको उपस्थितिमा शुभकामना दिइएको हो । शुभकामना तथा विदाइ कार्यक्रममा करण केसी र सागर ढकाल उपस्थित थिएनन् ।
उक्त कार्यक्रममा प्रहरी अतिरिक्त महानिरीक्षकहरु,प्रहरी नायब महानिरीक्षक प्रहरी बरिष्ठ उपरीक्षक लगाएको उपस्थिति रहेको थियाे ।
२१ वैशाख २०८१, शुक्रवार १९:२१ बजे प्रकाशित
