रौतहट प्रहरीद्वारा २५ लाख बढीको अवैध सामान बरामद
रौतहट । रौतहटस्थित तस्करहरूले भन्सार छलेर विभिन्न नाकाबाट भित्र्याएको २५ लाख रुपैयाँभन्दा बढीको अवैध भारतीय सामान बरामद गरेको छ।
गत १० गतेदेखि २२ गतेसम्म जिल्ला प्रहरी कार्यालय तथा मातहतबाट खटिएको प्रहरी गस्ति टोलीले विभिन्न स्थानबाट भंसार छली भित्र्याएको कपडा, किरानालगायत २५ लाख ५१ हजार ४०५ रुपैयाँ बराबरको सामान बरामद गरेको हो।
बरामद सामान कारबाहीको लागी सोमबार जिल्ला भन्सार कार्यालय रौतहटमा दाखिला गरेको प्रहरी प्रवक्ता डिएस्पी एलिजा गिरी द्वारा जारी गरिएको विज्ञप्तिमा उल्लेख गरिएको छ।
यतिबेला जिल्ला प्रहरी कार्यलय रौतहटको प्रमुख प्रहरी उपरीक्षक दिलिप घिमिरे रहेका छन् । उपरीक्षक घिमिरेले रौतहटको कमान्ड सम्हाले देखि विविध क्षेत्रमा उल्लेखनीय सुधारका कामहरु हुँदै आएको छ । प्रहरी संगठनभित्र उनी एक सफल प्रहरी अधिकृतको रुपमा चिनिन्छन् ।
२४ वैशाख २०८१, सोमवार २२:३० बजे प्रकाशित
