एआईजी भिम प्रसाद ढकालद्वारा मधेश प्रदेश प्रहरी तालिम केन्द्रकाे निरीक्षण
जनकपुर । नेपाल प्रहरी प्रधान कार्यालय मानवश्रोत विकास विभाग प्रमुख प्रहरी अतिरिक्त महानिरीक्षक भिम प्रसाद ढकालले मधेश प्रदेश प्रहरी तालिम केन्द्रकाे निरीक्षण गर्नु भएको छ ।
उक्त केन्द्रको कार्यालय, ब्यारेक, प्रशिक्षण गतिविधी लगायत सम्पुर्ण भौतिक पुर्वाधारहरुको निरीक्षण तथा अवलोकन गरि कार्यरत सम्पुर्ण प्रहरी कर्मचारीहरुलाई निर्देशन सम्बोधन गर्नु भयो ।
कार्यक्रममा केन्द्रका समादेशकबाट प्रमुख अतिथिलाई स्वागत तथा धन्यवाद व्यक्त गर्नु भयो ।
उक्त कार्यक्रममा मधेश प्रदेश प्रहरी कार्यालयका प्रमुख प्रहरी महानिरीक्षक यज्ञ विनोद पोखरेल, समादेशक प्रहरी बरिष्ठ उपरीक्षक गोपाल चन्द्र भट्टराई, जिल्ला प्रहरी कार्यालय सप्तरीका प्रमुख प्रहरी उपरीक्षक गजुसिद्धी बज्राचार्य, सह-समादेशक प्रहरी नायब उपरीक्षक अनमोल खड्का, सिनियर प्र.क.हरु, जु.प्र.अ. तथा हवल्दार,जवानहरुको उपस्थिती रहेको थियो ।
१५ असार २०८१, शनिवार १८:१५ बजे प्रकाशित
