एआईजी सुदिप गिरीद्वारा लुम्बिनी प्रदेश प्रहरी तालिम केन्द्रकाे निरीक्षण सम्पन्न
बुटवल । राष्ट्रिय प्रहरी प्रशिक्षण प्रतिष्ठानका कार्यकारी निर्देशक प्रहरी अतिरिक्त महानिरीक्षक सुदिप गिरीले लुम्बिनी प्रदेश प्रहरी तालिम केन्द्र, बुटवलको निरीक्षण गर्नु भएकाे छ ।
प्रदेश प्रहरी तालिम केन्द्र, बुटवलको भौतिक संरचना, आन्तरिक तथा वाह्य प्रशिक्षण कक्षाहरु लगायत सम्पूर्ण प्रशिक्षण गतिविधि निरीक्षण गरी साथै उक्त केन्द्रमा कार्यरत सम्पूर्ण प्रहरी अधिकृत तथा जवानहरू र आधारभुत तथा सेवाकालिन तालिमका प्रशिक्षार्थीहरुलाई आवश्यक निर्देशन सम्बोधन समेत गर्नुभयो ।
उक्त कार्यक्रममा लुम्बिनी प्रदेश प्रहरी प्रमुख प्रहरी नायब महानिरीक्षक कुबेर कडायत, नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय, बुटवलका प्रमुख प्रहरी उपरीक्षक श्याम बहादुर खत्री, लुम्बिनी प्रदेश प्रहरी तालिम केन्द्र, बुटवलका नि-समादेशक प्रहरी नायब उपरीक्षक पुष्पराज मल्ल, तथा लुम्बिनी प्रदेश प्रहरी तालिम केन्द्र, बुटवलमा कार्यरत सिनियर प्रहरी अधिकृत लगायत सम्पुर्ण प्रहरी क्रमचारी र आधारभूत तथा सेवाकालिन तालिमका प्रशिक्षार्थीहरु लगाएको उपस्थिति रहेकाे थियाे ।
२२ साउन २०८१, मंगलवार २०:४२ बजे प्रकाशित
