प्रदेश प्रहरी कार्यालय पोखराद्वारा गरिएको कार्यसम्पादन मूल्याङ्कन अनुसार एसपी कार्कीले नेतृत्व गरेको कार्य, अपराध नियन्त्रण, शान्ति–सुरक्षा व्यवस्थापन, अनुसन्धान क्षमता तथा नागरिकमैत्री प्रहरी सेवा प्रवाहका दृष्टिले सर्वोत्कृष्ट रहेको ठहर गरिएको हो ।
उहाँले जिल्लामा लागूऔषध नियन्त्रण, संगठित अपराध विरुद्धको कारबाही, ट्राफिक व्यवस्थापन सुधार, तथा समग्र सुरक्षा व्यवस्थापनमा उल्लेखनीय योगदान पुर्याएको प्रदेश प्रहरी कार्यालयले जनाएको छ । विशेषगरी पछिल्ला महिनाहरूमा कास्की जिल्लामा देखिएका विभिन्न आपराधिक घटनाहरूको सफल अनुसन्धान र नियन्त्रणमा उहाँको सक्रिय नेतृत्वलाई उच्च मूल्याङ्कन गरिएको छ ।
२०८२ साल चैत्र महिनाका लागि गरिएको छनोट अनुसार एसपी कार्कीलाई ‘उत्कृष्ट प्रहरी’ घोषणा गर्दै नगद पुरस्कार र प्रमाणपत्रसहित सम्मान गरिएको हो ।
सम्मान ग्रहणपछि एसपी कार्कीले प्राप्त सफलतालाई व्यक्तिगत नभई समग्र प्रहरी संगठनको सामूहिक प्रयासको परिणाम भएको उल्लेख गर्दै आगामी दिनमा अझ जिम्मेवारीपूर्वक नागरिक सेवा र सुरक्षा सुनिश्चित गर्न प्रतिबद्ध रहेको बताएका छन् ।
उहाँ प्रहरी संगठनभित्र एक सक्षम, कर्तव्यनिष्ठ र काबिल अफिसरका रूपमा परिचित रहँदै आएका छन् । कास्की जिल्लामा उहाँको नेतृत्वमा प्रहरीले अपनाएको सक्रिय र परिणाममुखी कार्यशैलीले प्रहरी–नागरिक सम्बन्धलाई समेत थप मजबुत बनाएको सरोकारवालाहरूले बताएका छन् ।
