एजेन्सी। गम्भीर रुपमा घाइते भएकी एक महिला अस्पतालमा उपचारपछि होसमा आएपछि निकै डरलाग्दो रहस्यको खुलासा गरेकी छिन् । उनी होसमा आउनुभन्दा पहिले भनिएको घटना पूरै झुटो भएको रहस्य खुलेको छ । ती महिलाको गुप्तांगमा उनकै पतिले स्टिलको गिलास हालिदिएको खुलेको छ । त्यसपछि उनका पतिले अञ्जान ३ जना व्यक्तिले पत्नीलाई बलात्कार गरेको झुटो कहानी सुनाइरहेका थिए ।

भारतको बिहार मुजफ्फरपुरकी ती महिलाका अनुसार उनका पतिले गुप्तांगमा गिलास हालिदिएर उनलाई तड्पिरहेको अवस्थामा छोडेर गएका थिए । त्यसपछि उनलाई आसपासका मानिसहरुले देखेर अस्पतालमा भर्ना गराएका थिए । अस्पतालमा डाक्टरहरुले अपरेशन गरेर गिलास निकाले । त्यसअघि उनका पतिले तीन जनाले बलात्कार गरेको झुटो कहाी सुनाउँदै स्थानीय, प्रहरी र मिडियालाई पनि भ्रमित पारेका थिए ।

शुक्रबार होसमा आएपछि महिलाले प्रहरीलाई दिएको बयानमा आफ्ना पतिमाथि नै आरोप लगाएपछि प्रहरीले पतिलाई पक्राउ गरेको छ । महिलाका अनुसार बुधबार साँझ उनकी बहिनी छठको प्रसाद लिएर उनलाई भेट्न आएकी थिइन् । त्यही समयमा उनका पति रिसाउँदै घरमा आए । उनलाई छुट्टै कोठामा बोलाएर कुटपिट गर्न थाले । महिलाका अनुसार उनका पतिले त्यस दिन राती करिब १० बजेतिर गिलास हालिदिएका थिए ।

सिटी एसपी राकेश कुमारका अनुसार पारिवारिक विवादका कारण महिलाका पति रामकुमार साहनीले यो घृणित कार्य गरेको खुलेको छ । उनले मिडिया र प्रहरीलाई समेत भ्रमित गरेको पाइएको छ । यसअघि उनका पतिले धानको खेतमा जम्मा गरेको धानको रखवारी गरेर बस्ने क्रममा रातमा मुखमा कपडा बाँधेर आएका ३ जनाले उनकी पत्नीलाई बलात्कार गरेका थिए । पुलिसले उनका पतिमाथि मुद्दा चलाइ थप अनुसन्धान गरिरहेको छ ।