न्युयोर्क, एजेन्सी। 

कोभिड १९ महामारीको केन्द्रविन्दु बनेको अमेरिकी राज्य न्युयोर्कले औषधि पसरहरु अर्थात फार्मेसीलाई पनि भाइरस परिक्ष्ण गर्ने अनुमति दिने निर्णय गरेको त्यहाँको गवर्नरले बताएका छन् । गर्वनर एन्ड्रयु कुओमोले करिव ५ हजार वटा फार्मेसीलाई परिक्ष्ण अनुमति दिइने हो भने दैनिक ४० हजार जना मानिसको भाइरस परिक्षण हुनसक्ने बताएका छन् ।

अमेरिकामा ९ लाख ६० हजार जना भन्दा बढि संक्रमित भइसकेका छन् । अहिले सम्म मृत्यु हुने करिव ५४ हजार भन्दा बढि मध्ये एक तिहाइ न्युयोर्क सिटी वासिन्दा रहेका छन् । यसैगरी अमेरिकी राष्ट्रपति डोनाल्ड ट्रम्पले आफ्नो समय वा प्रयासको कुनै मूल्य नरहेको भन्दै कोरोना भाइरस महामारी सम्बन्धी दैनिक प्रेस व्रिफिंग पनि नगरेको बुझिएको छ ।

ट्रम्पले शनिवारसंचार माध्यमले आफुलाई पूर्वाग्रही प्रशनहरु मात्र सोध्ने गरेको टिवटर मार्फत जानकारी दिएका छन् । संक्रमण प्रतिरोधक औषधि कोरोना संक्रमितमा प्रयोग गर्न सकिने विचार प्रकट गरेर ट्रम्प विवादमा मुछिएका थिए ।