“नागरिक सुनुवाइ कार्यक्रम” सम्पन्न
उदयपुर । उदयपुर जिल्लाका प्रमुख जिल्ला अधिकारी हरि प्रसाद घिमिरेको प्रमुख आतिथ्यतामा, साथै जिल्ला प्रहरी कार्यालय उदयपुरका कार्यालय प्रमुख प्रहरी उपरीक्षक (एसपी) रमेश थापाको विशिष्ट आतिथ्यतामा ‘नागरिक सुनुवाइ कार्यक्रम’ सम्पन्न भएको छ ।
“प्रहरी सेवा प्रवाहलाई प्रभावकारी र आम् नागरिक माझ पारर्दर्शी एवं सहभागिता अभिवृद्धि गरी प्रहरी र नागरिक सम्बन्धलाई थप प्रगाढ बनाउने” उद्देश्यले जिल्ला प्रहरी कार्यालय उदयपुरले उक्त कार्यक्रम आयोजना गरेको हो ।
कार्यक्रममा जिल्ला सुरक्षा समितिका पदाधिकारीहरु, जनप्रतिनिधिहरु, शिक्षकहरु, विभिन्न संघ संस्थाका प्रमुख एवं प्रतिनिधिहरु, संचारकर्मी एवं स्थानीय नागरिकहरु लगाएतको उपस्थितिमा त्रियुगा नगरपालिका वडा नं. ६ जलजलेमा “नागरिक सुनुवाइ कार्यक्रम” सम्पन्न भएको थियो ।
२८ असार २०८१, शुक्रवार १८:४० बजे प्रकाशित
