एजेन्सी । आफ्नो लैनु गाईको बाच्छाले एकापट्टिको थुन मात्रै चुस्दा अर्कोतर्फ दूध गानिने समस्याले हैरान भएका एक किसानले यो समस्याबाट बच्ने तरिका फेला पारेका छन् । स्कटल्याण्डका यी किसानले आफ्नी पत्नीको एउटा पुरानो ब्राको सहयोगमा यो समस्याबाट मुक्ति पाएका हुन् ।

बाच्छाले अगाडिको थुन मात्रै चुस्ने गर्थ्यो। जसका कारण पछाडिको थुनमा दूध गानिएर सुन्निने र संक्रमण हुने गथ्र्यो । थुप्रै दिनसम्म बाच्छालाई पछाडिको थुन चुसाउन असफल कोसिस गरेका यी किसान अन्ततः नयाँ उपाय खोज्न बाध्य भए।

स्कटिस हाइल्याण्डको स्टर रोसका ग्राहम बर्नेटलाई उनकी पत्नीले यो उपाय सुझाएकी हुन् । त्यसपछि उनले पुरानो ब्रा लिए र गाईलाई लगाइदिए अनि अगाडिको दुई ओटा थुन छोपिदिए । बर्नेट परिवारको यो उपायबारे उनीहरुका मित्र डोनाल्ड रोसले ट्विटरमा जानकारी गराएका छन् ।

‘किसान समुदायमा म नयाँ उपाय बाँड्न चाहन्छु,’ रोसले भनेका छन्, ‘यसको रमाइलो पक्ष पनि छ। स्कटल्याण्डमा हामीले निकै कठिन हिँउद काट्नुपर्दा पनि केही हदसम्म हँसीमजाकको भावनालाई जीवित राखेका छौँ।