दुबइका शासक शेख मोहम्मद बिन राशिद अल मकतुमकी पत्नी राजकुमारी हया बिन्त हुसेनको आफ्नै बडीगार्डसँग अवैध सम्बन्ध भएको खुलेको छ । बेलायती बडीगार्डलाई चुप रहनको लागि राजकुमारी हयाले १.२ मिलियन पाउण्ड र महंगा उपहारहरु दिएको डेलीमेलले दावी गरेको छ ।

बेलायतको अदालतका चलेको सुनुवाइको आधारमा डेलीमेलले यस्तो दावी गरेको हो । दुबइका शासकले राजकुमारी हयालाई कुनै जानकारी नदिइ फेब्रुअरी २०१९ मा शरिया कानुनअनुसार राजकुमारी हयासँग सम्बन्धविच्छेद (तलाक) गरेका थिए । राजकुमारी हया २०१८ मा दुबइबाट भागेकी थिइन् र अहिले लण्डनमा छिन् । उनी दुई सन्तानकी आमा हुन् ।

राजकुमारी हया दुबइका शासककी छैटौं र सबैभन्दा कम उमेरकी पत्नी थिइन् । यो अवैध सम्बनध २०१६ मा सुरु भएको मानिएको छ त्यसपछि ती बडीगार्डले राजकुमारी हयाको लागि पूर्ण रुपमा काम गर्न थालेका थिए । राजकुमारीले रसेलसँगको आफ्नो अवैध सम्बन्धबारे केही नबोल्नको लागि अन्य ३ बडीगार्डलाई पनि करोडौं दिएको विश्वास गरिएको छ ।