काठमाडौँ । आठ दिनदेखि इलाममा अनसनरत डा. गोविन्द केसीको स्वास्थ्य अवस्था जटिल बन्दै गइरहेको छ। इलाम अस्पतालका डाक्टर बिजेन्द्र कुमार शाहको अनुसार उनको शरीरमा रगत र चिनीको मात्र कम हुँदै गइरहेको छ भने संक्रमण बढ्दै गएको छ। संक्रमण बढेपछि उनलाई सुइमार्फत् एन्टिवायोटिक दिइएको छ। चिसोको कारण निमोनिया पनि भएको छ।

पछिल्लो रिपोर्ट अनुसार डा. केसीको टाउको दुखेको, पेट पोलेको, खुट्टाको मांशपेशी दुखेको र स्वास फेर्न अप्ठ्यारो हुन थालेको छ। उनको रोग प्रतिरोधातम्क क्षमता कमजोर बन्दै गइरहेको छ। शाह भन्छन्,’उमेर बढी र मुटुको बिरामी भएकाले उहाँ खतरामुक्त हुनुहुन्न्। यहाँ चिसो पनि छ निमोनिया भएकाले गाह्रो छ।’

डा. केसीको स्वास्थ्य गम्भीर हुँदै गएपछि उनको उपचारमा संलग्न चिकित्सकले उनलाई तत्कालै आइसीयू तथा सीसीयूमा सार्न सुझाव दिइरहेका छन्। तर, इलाममा उक्त सुविधा छैन।