भरतपुर । नेपाल प्रहरी शिक्षालय भरतपुर चितवनका निर्देशक प्रहरी नायव महानिरीक्षक सुरेन्द्र प्रसाद मैनालीको प्रमुख आतिथ्यतामा अन्तरक्रिया तथा तालिम समापन कार्यक्रम सम्पन्न भएको छ ।

अर्थिक बर्ष २०८०/८१ को स्वीकृत वार्षिक तालिम क्यालेण्डर अनुसार २०८०/१२/१८ गते देखि नेपाल प्रहरी शिक्षालय भरतपुरमा संचालित “घरेलु हिंसा उजुरी सुनुवाई तथा मेलमिलाप सिप विकास (प्र.ज. देखि जु.प्र.अ.) तालिम” दोस्रो समूहको तालिम आज सम्पन्न भएको हाे ।

प्रहरी नायव महानिरीक्षक सुरेन्द्र प्रसाद मैनालीले तालिममा सहभागिहरुसँग अन्तरक्रिया समेत गर्नु भएको थियाे ।

प्रमुख अतिथीले सहभागिहरूबाट आएका जिज्ञासाहरुको सम्बोधन गर्दै प्रमाणपत्र वितरण तथा तालिम सफलतापूर्वक सम्पन्न गरेकोमा बधाईका साथै तालिममा सिकेका ज्ञान, सीप र कौशललाई कार्यक्षेत्रमा त्रुटिरहित ढंगबाट कार्य सम्पादन गर्न निर्देशन दिनु भएको थियो ।

साथै तालिम संयोजक प्रहरी निरीक्षक सागर पन्तले तालिम प्रतिवेदन प्रस्तुत गर्नुभएको थियो ।
उक्त कार्यक्रममा प्रहरी उपरीक्षक भरत बहादुर बि.क. प्रहरी नायब उपरीक्षक, निरीक्षक, सिनियर / जुनियर प्रहरी अधिकृतहरुकाे उपस्थिति रहेको थियाे ।