काठमाडौं । निजी क्षेत्रको छाता संगठन नेपाल उद्योग वाणिज्य महासंघले यातायात क्षेत्रको सिन्डिकेट अन्त्य गर्ने सरकारी निर्णयको स्वागत गरेको छ । सबै प्रकारको सिन्डिकेट, कार्टेलिङ र आलोपालो प्रथाको अन्त्य गर्ने माग लामो समयदेखि गरिरहेको भन्दै महासंघले सरकारी निर्णयको खुलेर प्रशंसा गरेको हो ।

सरकारले मंगलबारको मन्त्रिपरिषद् बैठकबाट यातायात क्षेत्रसग सम्बन्धित संघ–संस्थाको दर्ता र नवीकरण जिल्ला प्रशासन कार्यालयबाट नगर्ने निर्णय गरेको थियो । सार्वजनिक यातायातमा मात्र नभएर ढुवानी क्षेत्रमा समेत जबर्जस्ती लागू गरिँदै आएको सिन्डिकेट, कार्टेलिङ र आलोपालो प्रथाको अन्त्य हुनुपर्ने महासंघको माग छ । महासंघले बिहीबार विज्ञप्ति जारी गर्दै भनेको छ, ‘खुला बजार नीति अवलम्बन गरेको मुलुकका लागि सिन्डिकेट, कार्टेलिङ र आलोपालो प्रथा कुनै पनि हालतमा जायज र शोभनीय नहुने धारणा राखेको हो ।