ललितपुरको बालकुमारीस्थित व्यावसायिक भवनमा आगलागी
वि.सं.२०७६ फागुन १८ आइतवार १०:५६
8.44K
shares
shares
मुक्ति खबर,ललितपुर ।
ललितपुरको बालकुमारीमा आज बिहान आगलागी भएको छ ।
मुख्य सडकमै रहेको व्यावसायिक भवनमा पौने नौ बजेतिर आगलागी भएको हो । वारुण यन्त्रको मद्दतमा करिब आधा घण्टामै आगो नियन्त्रणमा लिइएको छ ।
आगलागीबाट भवनको दुई वटा तलामा क्षति भएको छ । दुवै तलामा रहेका फर्निचर, कागजात लगायतका सामान जलेर नष्ट भएको छ ।
विद्युत सर्ट भएर आगलागी भएको प्रहरीको अनुमान छ । आगलागीबाट कति क्षति भयो भन्नेबारे अनुसन्धान भइरहेको प्रहरीले जनाएको छ ।
