गृहमन्त्रीका यस्ता छन् दुई धन्दा : पिएलाई मानव तस्करी, गार्डलाई सुन तस्करीको आरोप..!

गृहमन्त्रीकै सचिवालय अवैध धन्दाको अखडा

Nepal Life Insurance Long Ad

गृहमन्त्री बालकृष्ण खाणका व्यक्तिगत सुरक्षा अधिकारी (पीएसओ) प्रहरी वरिष्ठ नायव निरीक्षक (वरिष्ठ सई) टंक कार्की सुन तस्करी विवादमा मुछिएका छन् । तस्करीको सुन लुकाएको आरोपमा उनले एक व्यक्तिलाई थुनाएर पैसा लिएको आरोप लागेको छ ।

त्यससम्बन्धि उजुरी परेपछि उनीमाथि छानबिन सुरु भएको छ । कार्कीलाई पीएसओको जिम्मेवारीबाट हटाएर हेडक्वार्टर तानिएको नेपाल प्रहरीका प्रवक्ता डीआईजी टेकप्रसाद राईले बताए ।

डिएसपीको नेतृत्वमा उनीमाथि छानबिन थालिएको छ ।

गत असारमा दुबईबाट आएका पाँच व्यक्तिले ५० ग्रामका दरले ल्याएको सुन फिर्ता नगरेपछि भएको विवादमा गृहमन्त्रीका पिएसओ जोडिएका हुन् । जसमा उनले चितवनका एक व्यक्तिलाई पक्राउ गरी त्यो सुन बराबरको पैसा फिर्ता दिन दबाब दिएका हुन् ।

करिब २० लाख रुपैयाँ बराबरको तस्करीको सुन चार जनाले गायब बनाएपछि तस्करका नाइकेले गृहमन्त्रीका पिएसओ कार्कीलाई प्रयोग गरी सार्वजनिक मुद्दामा थुनाएर पैसा असुलेका हुन् । स्रोतका अनुसार सुन तस्करी गर्ने व्यक्तिमाथि छानबिन सुरु भएको छैन ।

सचिवालयका स्वकीय सचिव नरेन्द्र केसी मानव बेचबिखनमा संलग्न घटना आरोप जोगाउन लागेका छन् । दृष्टिन्युजका अनुसार स्वकीय सचिव नरेन्द्र केसीले धर्मपुत्रीका रुपमा मानव तस्करी गर्ने समूह लगाउन लागिपरेका छन् ।

शनिबार जाजरकोटकी एक १४ वर्षीया बालिकालाई बेलायती दम्पत्तिले अवैध रुपमा स्वीजरल्याण्ड लैजान खोजेका थिए । तर, अध्यागमनले रोकेर उनीहरुलाई प्रहरीमा बुझाएको थियो । प्रहरीले आइतबार अभद्र व्यवहारसम्बन्धि कसुरमा उनीहरुलाई म्याद थप गरेको छ । तर, आइतबार नै ती दम्पतीलाई छुटाउन केसीले विभिन्न निकायमा फोन गरी दबाब दिएका थिए । काठमाडौंका सिडिओ गोविन्द रिजाललाई फोन गरी म्याद नै नथप्न दबाब दिएका थिए । दबाबकै कारण सिडिओ रिजालले दुई दिनको मात्र म्याद दिएको स्रोत बताउँछ ।

नेपालमा धर्मपुत्रपुत्री बनाएर विदेश लैजान प्रतिबन्ध छ । जसकारण यो मानव बेचबिखन भएको प्रष्ट हुँदा पनि उनकै चलखेलका कारण प्रहरीले त्यसतर्फ आँट गरेको छैन । स्रोतका अनुसारमा काठमाडौंमा अनाथालय चलाएर बालबालिका तस्करी गर्ने गिरोह यसमा सक्रिय छ ।

धर्मपुत्रपुत्री बनाएर लैजान बन्द गरेपछि सो गिरोहले बिद्यालयमा पढाउने नाममा यूरोपियन देशमा बालबालिकाको तस्करी गर्दै आएको छ । विगतमा पनि पक्राउ परेका जोन खड्का नामक व्यक्ति यसको पर्दापछाडी छन् । पक्राउ परेका म्याथु हर्लीले यूरोपमा यससम्बन्धि सेटिङ मिलाउँदै आएका छन् । यही कामका लागि उनी वर्षमै २–३ पटक नेपाल आउने गरेका छन् ।

मानव बेचबिखनमा अनुसन्धान हुँदा ठूलो गिरोह फन्दामा पर्ने भएकाले मन्त्रीनिकट व्यक्तिहरूलाई जोगाउन सक्रिय भएको हो ।

स्रोतका अनुसार उनीहलाई विमानस्थलबाट जान दिन पनि गृहकै एक कर्मचारी विमानस्थल पुगेका थिए ।

सो गिरोहले गृहमन्त्रीका स्वकिय सचिवलाई नै प्रभावमा पार्न सफल भएको छ ।

यी घटनाले गृहमन्त्रीकै सचिवालय अवैध धन्दाको अखडा बन्दै गएको प्रष्ट भएको छ ।

८ भदौ २०७९, बुधवार १८:१२ बजे प्रकाशित

प्रतिक्रिया दिनुहोस्

सम्बन्धित शीर्षकहरु