काठमाडौ । नेपाल प्रहरीका महानिरीक्षक बसन्त बहादुर कुवँरद्धारा राष्ट्रीय प्रहरी प्रतिष्‍ठान तथा नेपाल प्रहरी अपराध अनुसन्धान विद्यालयको निरीक्षण गरेका छन् ।

महानिरीक्षकबाट बिभिन्न शाखा, उप-शाखा, भौतिक संरचना, मेस, व्यारेकको स्थलगत निरीक्षण तथा प्रहरी निरीक्षक आधारभूत तालिमका प्रशिक्षार्थीहरुद्वारा प्रस्तुत गरिएको कवाजको अवलोकन गरेका हुन् ।

साथै प्रतिष्‍ठान परिसरमा वृक्षारोपण गरी यस प्रतिष्ठानबाट भए गरेका विभिन्न गतिविधि तथा कृयाकलापहरु सहितको प्रस्तुतीकरणमा सहभागी हुनु भई प्रतिष्ठानमा कार्यरत सम्पूर्ण प्रहरी कर्मचारीहरूलाई आवश्‍यक निर्देशन सम्बोधन गर्नु भएको थियो ।

प्रतिष्ठानका कार्यकारी निर्देशक प्रहरी अतिरिक्त महानिरीक्षक टेक प्रसाद राईबाट प्रहरी महानिरीक्षकलाई स्वागत गर्नुका साथै निरीक्षण भ्रमण सम्पन्न पश्‍चात “कृतज्ञताको चिनो” प्रदान गरी धन्यवाद ज्ञापन सहित विदाई समेत गर्नु भएको थियो ।

तस्वीरमा हेर्नुहोस्