समापन कार्यक्रममा प्रमूख अतिथीज्यूले तालिममा सहभागि महिला-५/पुरुष-१९ गरी जम्मा २४ जना प्रशिक्षार्थीहरुलाई प्रमाणपत्र वितरण गर्नुका साथै निर्देशन सम्बोधन समेत गर्नु भयो । निर्देशन गर्ने क्रममा प्रहरीको सानो कमजोरी एवं लापरवाहिले कसैको घरवार बिग्रन सक्ने हुदा घरेलु हिंसाको संवेदनशिलता प्रति गम्भिर हुन सबै प्रशिक्षार्थिहरुलाई आग्रह गर्नु भयो ।

घरेलु हिंसा सँग सम्बन्धित विषय वस्तुको अभिलेखिकरणलाई व्यवस्थित गर्नुका साथै उजुरी सुनुवाई सम्बोधन प्रक्रियामा एकरुपता कायम गर्न हुन र प्रशिक्षणका क्रममा सिकेका ज्ञान, सिप सम्बन्धित अन्य प्रहरी कर्मचारीहरु समेतलाई प्रभावकारी रुपमा प्रशिक्षित गर्न हुन समेत निर्देशन गर्नुभयो । अन्त्यमा, सफलतापूर्वक तालिम सम्पन्न गर्नुभएकोमा सम्पुर्ण प्रशिक्षार्थीहरुलाई बधाई ज्ञापन गर्दै कार्यक्रमको समापन गर्नु भयो ।

साथै, कार्यक्रममा तालिम संयोजक प्रहरी उपरीक्षक गोविन्द राज काफ्लेले तालिम सम्बन्धि संक्षिप्त प्रतिवेदन प्रस्तुत गर्नु भएको थियो भने कार्यक्रममा प्रतिष्ठानका निर्देशक प्रहरी नायव महानिरीक्षक रबिन्द्र के.सीज्यू, नेपाल प्रहरी अपराध अनुसन्धान विद्यालयका प्रधानाचार्य प्रहरी वरिष्ठ उपरीक्षक दिपेन्द्र जि.सी, प्रतिष्ठानका सह-निर्देशक प्रहरी वरिष्ठ उपरीक्षक बेल बहादुर पाण्डे, प्रहरी उपरीक्षकहरु लगायत अन्य सिनियर प्रहरी अधिकृत, जुनियर प्रहरी अधिकृत एवं प्रशिक्षक वर्गहरु समेतको उपस्थिती रहेको थियो ।