“NPA WALK-2080” कार्यक्रम सम्पन्न
काठमाडौ । प्रहरी महानिरीक्षक बसन्त बहादुर कुँवरको प्रमुख आतिथ्यतामा, राष्ट्रिय प्रहरी प्रशिक्षण प्रतिष्ठानका कार्यकारी निर्देशक प्रहरी अतिरिक्त महानिरीक्षक सन्दिप भण्डारीकाे अध्यक्षतामा “NPA WALK-2080” कार्यक्रम सम्पन्न भएकाे छ ।
राष्ट्रिय प्रहरी प्रशिक्षण प्रतिष्ठानको ६८ औँ वार्षिकोत्सवको उपलक्ष्यमा आयोजना गरिएको “NPA WALK- 2080” कार्यक्रममा प्रहरी प्रशिक्षण प्रतिष्ठानका कार्यकारी निर्देशक प्रहरी अतिरिक्त महानिरीक्षक सन्दिप भण्डारीले कार्यक्रममा उपस्थित सम्पुर्ण महानुभावहरूलाई स्वागत मन्तव्य राख्नु भयाे । प्रमुख अतिथि र कार्यकारी निर्देशकले संयुक्त रूपमा “NPA WALK- 2080” लेखिएको ब्यानर सहित बेलुन उडाई कार्यक्रम शुभारम्भ गर्नुभएको थियो ।
उक्त कार्यक्रममा प्रतिष्ठानका पूर्व समादेशक तथा कार्यकारी निर्देशकहरू, नेपाल प्रहरी प्रधान कार्यालय तथा उपत्यकामा कार्यरत प्रहरी अतिरिक्त महानिरीक्षकहरू, प्रहरी नायब महानिरीक्षकहरू, प्रहरी वरिष्ठ उपरीक्षकहरू, प्रतिष्ठानका सिनियर प्रहरी अधिकृतहरू, जुनियर प्रहरी अधिकृतहरू, नेपाल प्रहरी संगीत विद्यालयको ब्याण्ड टोली, प्रशिक्षकहरु, प्रशिक्षार्थीहरू, नेपाल पुलिस क्लबका खेलाडीहरू समेत गरी ३०० जनाको उपस्थिति रहेको थियो ।
“NPA WALK-2080” कार्यक्रम, नेपाल प्रहरी संगीत विद्यालयको ब्याण्ड टोलीको प्रस्तुति सहित यस प्रतिष्ठानको मेन गेटबाट सुरू भई बालुवाटार, भाटभटेनी, नक्साल, नेपाल प्रहरी प्रधान कार्यलयको दक्षिण गेट, गैरीधारा, लाजिम्पाट, पानीपोखरी हुँदै पुनः प्रतिष्ठानको खेल मैदानमा पुगि कार्यक्रम सम्पन्न भएको थियो ।
(तस्बिरमा हेर्नुस् )
२७ माघ २०८०, शनिवार १७:०६ बजे प्रकाशित
