काठमाडौं । राष्ट्रिय प्रहरी प्रतिष्ठानका कार्यकारी निर्देशक  प्रहरी अतिरिक्त महानिरीक्षक  सन्दिप भण्डारीले यूएसए ओपन करातेमा स्वर्ण पदक  बिजेता एरिका गुरुङलाई बधाई तथा शुभकामना दिएका छन् ।

खेलाडी एरिका गुरुङले अमेरिकाको टेक्सासमा सम्पन्न यूएसए ओपन करातेमा स्वर्ण पदक जिते पछि एआईजी भण्डारीले  राष्ट्रिय प्रहरी प्रतिष्ठानकाे तर्फबाट उनलाई बधाई दिएका हुन् ।

उनले २१ वर्षमुनिको एलिट क्याटेगोरीमा ६८ केजी प्लस तौल समूहतर्फ स्वर्ण जितेकी हुन्।

एरिकाले फाइनलमा अमेरिकी खेलाडी सिरस लिङ्गललाई ५-१ ले हराउँदै स्वर्ण जितेकी हुन् । त्यसैगरी, उनले कराँते च्याम्पियनसिपको समग्रमा पनि रजत पदक जितेकी छन् ।

एरिकाले आफ्नो पहिलो फाइटमा क्यानडाकी खेलाडीलाई पराजित गरेकी थिइन् । आयोजक देशकै खेलाडीलाई सेमिफाइनलमा हराउँदै एरिकाले फाइनल यात्रा तय गरेकी थिइन् ।

गत असोजमा चीनमा सम्पन्न १९औं एसियाली खेलकुदमा उनले रजत जितेकी थिइन् । नेपालबाट सहभागी बनेका अर्का खेलाडी विप्लभलाल श्रेष्ठ भने ८४ केजी मुनि तौल समूहको सेमिफाइनलबाट बाहिरिएका थिए । क्यानडाका खेलाडीसँग ५-५ को बराबरीपछि सेन्सुका आधारमा विप्लभ फाइनल पुग्न असफल भएका थिए ।