प्रहरी अतिरिक्त महानिरीक्षक सुदिप गिरीद्धारा प्रहरी शिक्षालय, भरतपुरको निरीक्षण
एआईजी सुदिप गिरीद्धारा नेपाल प्रहरी शिक्षालय, भरतपुरको अनुगमन तथा निरीक्षण सम्पन्न
चितवन । राष्ट्रिय प्रहरी प्रशिक्षण प्रतिष्ठानका कार्यकारी निर्देशक प्रहरी अतिरिक्त महानिरीक्षक सुदिप गिरीले नेपाल प्रहरी शिक्षालय, भरतपुरको अनुगमन तथा निरीक्षण गर्नु भएको छ ।
प्रशिक्षण केन्द्रहरुको अनुगमन तथा निरीक्षण भ्रमण कार्यक्रमको शिलसिलामा आज नेपाल प्रहरी शिक्षालय, भरतपुरको भौतिक संरचना, आन्तरिक तथा वाह्य प्रशिक्षण कक्षाहरु लगायत सम्पूर्ण प्रशिक्षण गतिविधि निरीक्षण गर्नु भएको हो ।
निर्देशन सम्बोधनको क्रममा कार्यकारी निर्देशकले प्रशिक्षण प्रदायक निकायहरूमा प्रशिक्षणमैत्री पूर्वाधार, समयानुकुल परिष्कृत एवम् परिमार्जित पाठ्यक्रम तथा स्तरीय प्रशिक्षकहरू हुनुपर्ने विषयमा ध्यान दिन सके मात्र प्रशिक्षण प्रदायक निकायहरूबाट संगठनले अपेक्षा गरे अनुरुपको उपलब्धी हासिल गर्न सकिने कुरा व्यक्त गर्नुभयो ।
साथै नव निर्मित प्रशासनिक भवन लगायत विविध पक्षको स्थलगत अवलोकन गरी शिक्षालयको हाताभित्र बृक्षारोपण समेत गर्नु भएको थियो ।
उक्त कार्यक्रममा नेपाल प्रहरी शिक्षालय, भरतपुरका निर्देशक प्रहरी नायब महानिरीक्षक लालमणी आचार्य, नेपाल प्रहरी शिक्षालय, भरतपुरमा कार्यरत सिनियर प्रहरी अधिकृतहरू, जुनियर प्रहरी अधिकृतहरू लगायत सम्पूर्ण प्रहरी कर्मचारी र आधारभूत तथा सेवाकालिन तालिमका प्रशिक्षार्थीहरु समेतको सहभगिता रहेको थियो ।
National Police Academy बाट साभार फोटो
२४ साउन २०८१, बिहीवार १७:४७ बजे प्रकाशित
