नेपाल प्रहरीका तीनजना डीआईजीको काज सरुवा
डीआईजीको काज सरुवा को-कहाँ ?
काठमाडौं । नेपाल प्रहरीका तीनजना प्रहरी नायब महानिरीक्षक (डीआईजी) हरूको काज सरुवा भएको छ । गृह मन्त्रालयले सोमबार उनीहरुको काज सरुवा गरेको हो ।
सरुवा हुनेमा भरतबहादुर बोहोरा, कृष्णहरि शर्मा पोखरेल र किरण राणा रहेका छन् । डीआईजी बोहोरालाई कार्यविभागबाट काठमाडौं उपत्यका ट्राफिक प्रहरी कार्यालय रामशाह पथमा सरुवा गरिएको छ ।
केन्द्रीय अनुसन्धान व्युरोका डीआइजी किरण राणालाई त्रिभुवन अन्तर्राष्ट्रिय विमानस्थल सुरक्षा कार्यालयमा पठाइएको छ ।
यस्तै काठमाडौं उपत्यका प्रहरी कार्यालय रानी पोखरीमा कार्यरत डीआइजी पोखरेललाई बागमती प्रदेश कार्यालय हेटौंडा सरुवा गरिएको छ ।
१८ भदौ २०८१, मंगलवार १७:१६ बजे प्रकाशित
