सम्मान कार्यक्रम सम्पन्न
प्रहरी वरिष्ठ उपरीक्षक अबि नारायण काफ्लेकाे प्रमुख आतिथ्यतामा सम्मान कार्यक्रम सम्पन्न
विराटनगर । काेशी प्रदेश प्रहरी तालिम केन्द्रका समादेशक प्रहरी वरिष्ठ उपरीक्षक अबि नारायण काफ्लेकाे प्रमुख आतिथ्यतामा सम्मान कार्यक्रम सम्पन्न भएको छ ।
नेपाल प्रहरी कार्यदक्षता मूल्याङ्कन (Police Baton), २०८१ मा सर्वोत्कृष्ट समादेशक बन्न सफल भएकोमा उक्त कार्यक्रममा काेशी प्रदेश प्रहरी तालिम केन्द्रका समादेशक प्रहरी वरिष्ठ उपरीक्षक अबि नारायण काफ्लेलाई सम्मान गरिएको हाे।
त्यसै गरि ६९ औं प्रहरी दिवस, २०८१ मा परस्कृत हुनु हुने प्रहरी कर्मचारीहरू एवं विभिन्न खेलका विजेता उप- विजेता र निर्णायकहरूलाई तालिम केन्द्रका समादेशक तथा कार्यक्रमको प्रमुख अतिथि प्रहरी वरिष्ठ उपरीक्षक अबि नारायण काफ्ले अबिर खदा लगाई सम्मान गर्नु भयाे।
साथै नेपाल प्रहरी कार्यदक्षता मूल्याङ्कन (Police Baton), २०८१ मा प्रहरी तिलिम केन्द्रहरू मध्येबाट कोशी प्रदेश प्रहरी तालिम केन्द्र, विराटनगर सर्वोत्कृष्ट प्रदेश प्रहरी तालिम केन्द्र हुन सफल भएकोमा केन्द्रमा कार्यरत सम्पूर्ण प्रहरी कर्मचारीहरूलाई बधाई तथा धन्यवात ज्ञापन गर्दै आवश्यक निर्देशन सम्बोध समेत दिनु भएको थियो ।
उक्त कार्यक्रममा प्रहरी निरिक्षक गुरू प्रसाद तिम्सिन,प्रहरी निरिक्षक ऋषि राज ढकाल, प्रहरी निरिक्षक मिलन थापा, प्रहरी निरिक्षक आशिस पोखरेल,जुनियर प्रहरी अधिकृतहरू,प्र.ह./प्र.ज., प्र.का.स. लगायत विभिन्न सेवाकालिन तालिमका प्रशिक्षर्थीहरू समेतको उपस्थिति रहेको थियो ।
२ कात्तिक २०८१, शुक्रवार १३:३१ बजे प्रकाशित
