डिआईजी कृष्ण हरि शर्माद्वारा जिल्ला प्रहरी कार्याालय सिन्धुलीकाे निरीक्षण
सिन्धुली । बागमती प्रदेश प्रहरी कार्यालय हेटौंडाका कार्यालय प्रमुख प्रहरी नायव महानिरीक्षक कृष्ण हरि शर्माले जिल्ला प्रहरी कार्याालय सिन्धुलीकाे निरीक्षण गर्नु भएको छ।
डीआईजी शर्माले कार्यालयको निरीक्षणकाे क्रममा पेरिमिटर, हिरासत कक्ष, कार्यालयको अभिलेखीकरण लगाएको निरीक्षण गर्नु भएको थियो ।
निरीक्षणको क्रममा कार्यालयका कार्यालय प्रमुख प्रहरी उपरीक्षक गोविन्द राज काफ्लेले जिल्लाको समग्र शान्ती सुरक्षा तथा अपराधको बारेमा प्रस्तुतीकरण गर्नु भएको थियो भने बागमती प्रदेश प्रहरी कार्यालय हेटौंडाका कार्यालय प्रमुख डिआईजीले कार्यालयबाट सम्पादीत राम्रो कार्यहरुको प्रशंसा, सुधार गर्नु पर्ने कार्यहरु बारेमा आवश्यक निर्देशन दिनु भएको थियो।
साथै सोहि अवसरमा यस कार्यालय तथा मातहत समेतमा कार्यरत प्रहरी कर्मचारीहरुलाई राज्यले सुम्पिएका महत्वपुर्ण कर्तव्य निर्वाह गर्न कटिबद्ध भई लाग्नुपर्ने, संगठनलाई सकारात्मक सोच लिई अनुशासित,चुस्त दुरुस्त हुनुका साथै प्रहरी आचरण व्यवहारमा अझ बढी नागरीक मैत्री हुनु पर्ने बिषयमा आफ्नो आवश्यक अमुल्य निर्देशन सम्बोधन समेत गर्नु भएको थियो ।
१२ मंसिर २०८१, बुधवार १७:५६ बजे प्रकाशित
