बुर्किनाफासोको एउटा गाउँमा भएको आक्रमणमा कम्तीमा ७० जनाको मृत्यु
एजेन्सी । पश्चिम अफ्रिकी देश बुर्किना फासोको एउटा गाउँमा अज्ञात व्यक्तिहरुले गरेको आक्रमणमा परी कम्तीमा ७० जनाको मृत्यु भएको छ । मृत्यु हुनेमा अधिकांश वृद्धवृद्धा र बालबालिका रहेको बताइएको छ ।
समाचार एजेन्सी रोयटर्सका अनुसार अज्ञात आक्रमणकारीहरूले नोभेम्बर ५ मा बुर्किना फासोको उत्तरी क्षेत्रको जाङ्गो गाउँमा आक्रमण गरेका थिए। आक्रमणकारीहरूले मानिसहरूलाई मार्ने मात्र होइन तिनीहरूको सम्पत्तिमा आगोसमे लगाएका थिए।
११ नोभेम्बरमा घटनास्थलमा पठाइएको न्यायिक टोलीले कम्तिमा ७० जनाको मृत्यु भएको पत्ता लगाएको थियो।
सरकारी वकिलले सोमबार जारी गरेको विज्ञप्तिमा मृत्यु हुने र बेपत्ता हुनेको यकिन संख्या अझै यकिन हुन नसकेको बताए । तर, अनुसन्धान जारी छ ।
युरोपेली संघले आइतवार जाओङओ गाउँमा ‘करिब १००’ व्यक्तिको नरसंहारको छानबिन गर्न अधिकारीहरूलाई आह्वान गरेको छ।
बुर्किना फासो पश्चिम अफ्रिकाका ती देशहरूमध्ये एक हो, जहाँ विगत केही वर्षदेखि रक्तपातपूर्ण द्वन्द्व चलिरहेको छ। यसबाट हजारौंको ज्यान गइसकेको छ भने लाखौं मानिस घरबार छोडेर भागेका छन् ।
२८ कात्तिक २०८०, मंगलवार १२:५८ बजे प्रकाशित
