मुक्ति खबर,काठमाडौं ।

विशवभर कोरोनाको संक्रमण फैलिरहेको भन्दै माइक्रो ब्लगिङ साइट ट्विटरले आफ्ना कर्मचारीलाई कार्यालय नआएर घरबाट नै काम गर्न दिर्नेशन लिदएको छ ।

एउटा ब्लग पोस्ट लेख्दै ट्विटरले हङकङ, जापान र दक्षिण कोरियाका आफ्ना कर्मचारीलाई अफिस नआउन र घरबाट काम गर्न बताएको हो ।

त्यहाँमात्र होइन, विश्वभर रहेका आफ्ना सबै ५ हजार कर्मचारीलाई ट्विटरले घरबाट नै काम गर्न निर्देशन दिएको हो ।

एक दिनअघि मात्र ट्विटरले आफ्ना कर्मचारीलाई विदेश यात्रा रोक्न निर्देशन दिएको थियो ।

त्यस्तै, ट्विटरले गर्न लागेको एउटा कार्यक्रम पनि रद्द गरेको छ । यो कार्यक्रम टेक्ससको अस्टिनमा हुने भनिएको थियो ।