भक्तपुर । भक्तपुरमा एक किलो सुन ३५ लाखमै दिन्छु भन्दै ठगी गर्न खोज्ने तीन जनालाई प्रहरीले पक्राउ गरेको छ।

ठगी गर्ने उद्देश्यले सुनजस्तो वस्तु बोकेर हिँडिरेहका बेला धादिङको गजुरी गाउँपालिका वडा नम्बर १ घर भई हाल ललितपुरको सातदोबाटो बस्ने २४ वर्षीय राजेन्द्र तामाङ, सिन्धुपाल्चोकको बाह्रबिसे नगरपालिका वडा नम्बर ३ भर भई हाल काठमाडौंको मातातीर्थ बस्ने ३५ वर्षीय राजु लामा र काभ्रेको रोशी गाउँपालिका वडा नम्बर ३ घर भई हाल ललितपुरको ढोलाहिटी बस्ने ३६ वर्षीय राजकुमार तामाङलाई प्रहरीले पक्राउ गरेको हो।

विशेष सूचनाका आधारमा उनीहरूलाई भक्तपुरको चाँगुनारायण-९, ताथलीको सडकबाट सोमबार अपराह्न पक्राउ गरिएको प्रहरी उपरीक्षक नरेन्द्रप्रसाद उप्रेतीले जानकारी दिए। उनीहरूका साथबाट सुनजस्तो देखिने एक थान बिस्कुट बरादम भएको र घटनाको अनुसन्धान भइरहेको उनले बताए।