काठमाडौ । ‘जनतासँग माओवादी : विशेष रुपान्तरण अभियान’ नेकपा (माओवादी केन्द्र) काठमाडौ महानगरपालिका वडा नम्बर ७ अभियानले  सरसफाई कार्यक्रम सम्पन्न गरेको छ ।

‘जनतासँग माओवादी : विशेष रुपान्तरण अभियान’ को आयोजनामा नियमित कार्यक्रम अन्तर्गत नै आज शनिबार चावहिल गणेशथान मन्दिर परिसर क्षेत्र लगाएत ठाउँमा सरसफाई गरेको हो ।

सरसफाई कार्यक्रमलाई माओवादी केन्द्रका केन्द्रीय सदस्य एवम् अभियानका संयोजक नेता इन्द्र भुषालले सम्बोधन गरेका थिए । उनले सम्बोधनकै क्रममा ७ नम्बर वडावासी नागरिक, समाजसेवी, बुद्धिजिबीहरुलाई आ-आफ्नो क्षेत्र ,आ-आफ्नो टोलमा नियमीत रुपमा सरसफाई गर्न आग्रह गरेका छन् ।

साथै भोलि मङ्सिर २४ गते आईतबार चावहिल स्तुपा अवस्थीत अभियानको कार्यलयमा बाग्मती प्रदेशका अध्यक्ष सरल सहयात्रीको प्रमुख आतिथ्यतामा उद्धघाटन हुने कार्यक्रममा ७ नम्बर वडावासी युवा विद्यार्थी,बुद्धीजीबी वर्ग समाजसेवी लगाएत सम्पुर्ण आम नागरिकहलाई ‘प्रबिधिमा जनताको पहुँच’ कार्यक्रममा सहभागिताको लागि नेता भुषालले अपिल समेत गरेका थिए ।

उक्त सरसफाई कार्यक्रममा वडा पार्टीको नेतृत्व, वडाबासी नागरिक, समाजसेवी, बुद्धिजिबी, युवा विद्यार्थीहरु लगाएतको उपस्थिति रहेको थियो ।

यो पनि पढ्नुहोस्

माओवादी केन्द्र कामनपा ७ नम्बर वडा समिति अभियानले कम्प्युटर र अंग्रेजी भाषा निशुल्क सिकाउने

तस्वीरमा हेर्नहोस्