बढ्दाे लागूऔषधको प्रयोगको सम्बन्धमा अभिमुखिकरण तथा छलफल कार्यक्रम सम्पन्न

3.58K
shares

माेरङ। जिल्ला प्रहरी कार्यालय मोरङका प्रमुख प्रहरी उपरीक्षक नवराज कार्कीको प्रमुख अतिथ्यतामा बढ्दाे लागूऔषधको प्रयोगको सम्बन्धमा अभिमुखिकरण तथा छलफल कार्यक्रम सम्पन्न भएकाे छ ।

माेरङ जिल्ला विराटनगर महानगरपालिका वडा नं.२ मा रहेको विराटनगर महानगरपालिकाको हलमा जिल्ला प्रहरी कार्यालय मोरङ, केन्द्रिय लागूऔषध व्यूरोको समन्वय र सहकार्यमा उक्त कार्यक्रम भएकाे हाे ।

मोरङ जिल्लाका प्रमुख जिल्ला अधिकारी प्रेम प्रसाद भट्टराईको अध्यक्षतामा, विराटनगर महानगरपालिका मेयर नागेश कोईराला, उप-मेयर सिल्पा निराला कार्की, कोशी प्रदेश प्रहरी कार्यालय विराटनगरका प्रहरी नायव महानिरीक्षक चन्द्रकुवेर खापुङ, नेपाल प्रहरी केन्द्रीय लागूऔषध व्यूरोका प्रहरी वरिष्ठ उपरीक्षक गोविन्द थपलियाकाे उपस्थिति रहेकाे थियाे ।

साथै स्थानिय तहका प्रमुख, उप-प्रमुख, वडा अध्यक्ष, विद्यार्थी, संचार कर्मी, संघ संस्थाका प्रतिनिधीहरु समेत १५० जनाको उपस्थितिमा बढदो लागूऔषधको प्रयोगको सम्बन्धमा अभिमुखिकरण तथा छलफल कार्यक्रम सम्पन्न भएको थियाे ।