पक्राउ परेका दुवैलाई आवश्यक अनुसन्धान तथा कानुनी कारबाहीका लागि जिल्ला प्रहरी कार्यालय मकवानपुरमा बुझाइएको प्रहरीले जनाएको छ। प्रारम्भिक अनुसन्धानमा बरामद अफिम भारततर्फ अवैध रूपमा निकासी गर्ने तयारी भइरहेको देखिएको छ भने यसमा संलग्न अन्य व्यक्ति तथा सञ्जालको खोजी पनि प्रहरीले अघि बढाएको छ।
ब्यूरोको सक्रियताले तस्करी नियन्त्रणमा उपलब्धि
पछिल्लो समय लागुऔषध नियन्त्रण ब्यूरोका प्रमुखका रूपमा एसएसपी सुवाश बोहरा आएपछि ब्यूरोले लागुऔषध नियन्त्रणमा उल्लेखनीय सफलता हासिल गर्दै आएको छ। विशेष सूचनाको प्रभावकारी परिचालन, अन्तरजिल्ला समन्वय र तस्करी सञ्जालमाथि लक्षित अपरेसनका कारण ठूलो परिमाणमा लागुऔषध बरामद हुनुका साथै संलग्न व्यक्तिहरू पक्राउ पर्ने क्रम बढेको देखिन्छ।
