डिआईजी ओम अधिकारीद्वारा नेपाल प्रहरी स्कुल रौतहटको अनुगमन

राैतहट। मधेश प्रदेश प्रहरी प्रमुख डीआईजी ओम प्रसाद अधिकारीद्वारा रौतहटको गरुडास्थित नेपाल प्रहरी स्कुल को अनुगमन तथा निरीक्षण कार्य सम्पन्न भएको छ ।

विद्यालयको शैक्षिक भवन, छात्रवास (हस्टल), मेस, खेलकुद मैदान तथा समग्र भौतिक अवस्थाको निरीक्षण गरेर प्रहरी सन्तति तथा स्थानीय सर्वसाधारणका छोराछोरीहरू अध्ययन गर्ने यस विद्यालयको शैक्षिक वातावरण र गुणस्तर सुदृढ बनाउन निर्देशन दिनु भयाे।

डीआइजी अधिकारीले विद्यालय प्रशासन, शिक्षक तथा कर्मचारीहरूलाई थप जिम्मेवार, अनुशासित र पारदर्शी भएर काम गर्न र विद्यार्थीहरूलाई गुणस्तरीय शिक्षाका साथै अतिरिक्त क्रियाकलापमा सहभागी गराई उनीहरूको चौतर्फी विकासमा ध्यान दिन जोड दिनुभएको थियाे ।