प्रहरी महानिरीक्षक चन्द्र कुवेर खापुङद्वारा प्रहरी कार्यालय झापाको निरीक्षण
जिल्ला प्रहरी कार्यालय झापाको निरीक्षण तथा आवश्यक निर्देशन कार्यक्रम सम्पन्न
झापा । कोशी प्रदेश प्रहरी कार्यालय, विराटनगरका कार्यालय प्रमुख प्रहरी महानिरीक्षक चन्द्र कुवेर खापुङले जिल्ला प्रहरी कार्यालय झापाको निरीक्षण तथा अनुगमन गर्नु भएको छ ।
कार्यालयको हिरासत कक्ष लगायत बिभिन्न शाखाहरु निरीक्षण गर्दै मातहत कार्यालयबाट समेत उपस्थित सम्पुर्ण प्रहरी कर्मचारीहरुलाई आवश्यक निर्देशन दिनु भएको छ ।
निर्देशन कार्यक्रम समाप्त पश्चात ईलाका प्रहरी कार्यालय, काकरभिट्टा पुगि उक्त कार्यालयको प्राङ्गणमा फरक क्षमता भएका प्रहरी सहायक हवल्दार शिव नारायण महत्तो र पुर्व प्रहरी हवल्दार टेक बहादुर साम्सोहाङलाई नेपाल प्रहरी प्रधान कार्यालय कल्याण महाशाखाबाट निकाशा भएको चारपाँग्रे स्कुटर हस्तान्तरण गर्नु भएको थियो ।
उक्त कार्यक्रममा झापा प्रहरी प्रमुख प्रहरी उपरीक्षक मिलन केसी, प्रहरी नायब उपरीक्षक, निरीक्षक सिनियर / जुनियर प्रहरी अधिकृतहरुकाे उपस्थिति रहेको थियाे ।
६ चैत २०८०, मंगलवार ००:४३ बजे प्रकाशित
