काठमाडौ । “NPA WALK-2081” कार्यक्रम सम्पन्न भएको छ।

राष्ट्रिय प्रहरी प्रशिक्षण प्रतिष्ठानको ६९ औँ वार्षिकोत्सवको अवसरमा ‘Together we can walk longer’ भन्ने नाराका साथ आयोजना गरिएको “NPA WALK- 2081” कार्यक्रम २०८१ माघ २७ प्रहरी प्रहरी महानिरीक्षक बसन्त बहादुर कुँवरकाे प्रमुख आतिथ्यतामा शुरु भएको कार्यक्रममा राष्ट्रिय प्रहरी प्रशिक्षण प्रतिष्ठानका कार्यकारी निर्देशक प्रहरी अतिरिक्त महानिरीक्षक सुदिप गिरीद्वारा कार्यक्रममा उपस्थित सम्पुर्ण महानुभावहरूलाई स्वागत मन्तव्य राख्नु भई प्रमुख अतिथि र कार्यकारी निर्देशकले संयुक्त रूपमा “NPA WALK- 2081” लेखिएको ब्यानर सहित बेलुन उडाई कार्यक्रम शुभारम्भ गर्नुभएको थियो ।

उक्त कार्यक्रममा प्रतिष्ठानका पूर्व समादेशक तथा कार्यकारी निर्देशकहरु, नेपाल प्रहरी प्रधान कार्यालय तथा उपत्यकामा कार्यरत प्रहरी अतिरिक्त महानिरीक्षकहरु, नारी विकास प्रतिष्ठानकी अध्यक्ष, प्रहरी नायब महानिरीक्षकज्यूहरू, प्रहरी वरिष्ठ उपरीक्षकहरु, प्रतिष्ठानका सिनियर प्रहरी अधिकृतहरू, जुनियर प्रहरी अधिकृतहरू, नेपाल प्रहरी संगीत विद्यालयको ब्याण्ड टोली, प्रशिक्षकहरु, प्रशिक्षार्थीहरू, नेपाल पुलिस क्लबका खेलाडीहरू समेत गरी ३०० जनाको उपस्थिति रहेको थियो ।

“NPA WALK-2081” कार्यक्रम,  प्रतिष्ठानको मेन गेटबाट सुरू भई बालुवाटार, भाटभटेनी, नक्साल, नेपाल प्रहरी प्रधान कार्यलयको दक्षिण गेट, गैरीधारा हुँदै पुनः प्रतिष्ठानको खेल मैदानमा आएर सम्पन्न भएको थियो ।