सिन्धुलि। जिल्ला प्रहरी कार्यालय सिन्धुलीबाट प्रहरी उपरीक्षक (एसपी) गोविन्द राज काफ्ले बिदाई भएका छन्।

त्रिभुवन अन्तर्राष्ट्रिय विमानस्थल सुरक्षा कार्यालय काठमाडौँबाट सरुवा भएर सिन्धुली कार्यालयमा कार्यालय प्रमुखको जिम्मेवारी बहन गर्न आउनु भएका प्रहरी उपरीक्षक लालध्वज सुवेदीलाई स्वागत गरिएको थियाे ।

उक्त कार्यालयबाट सरुवा भई नेपाल प्रहरी प्रदेश कार्यालय, सुर्खेत अपराध अनुसन्धान शाखा दरवन्दी भई अपराध अनुसन्धान विद्यालय महाराजगंज, काठमाडौँ सरुवा भएका प्रहरी उपरीक्षक गोविन्द राज काफ्लेकाे बिदाई तथा फेरी भेटौला कार्यक्रम सम्पन्न भएको हाे।

उक्त कार्यक्रमका बीच यस कार्यालयका कार्यालय प्रमुख प्रहरी उपरीक्षक लालध्वज सुवेदीले बिदाई भई जान लाग्नु भएका प्रहरी उपरीक्षकलाई फूलमाला, खादा र मायाको चिनो प्रदान गरी नयाँ कार्य क्षेत्रमा सफलताको शुभकामना समेत दिनु भएको थियो ।

साथै एसपी लालध्वज सुवेदीले उक्त  कार्यालयको कार्यभार समाल्दै कार्यालय तथा मातहत समेतका उपस्थित प्रहरी कर्मचारीहरुलाई आफ्नो अमुल्य निर्देशन समेत दिनु भएको थियो ।