समाजसेवा शर्माद्वारा खेलाडीलाई ७० हजार नगद तथा शैक्षिक/खेल सामग्री वितरण

नेपाल खेलकुद महासंघका केन्द्रिय कोषाध्यक्ष विदुर शर्मा

Nepal Life Insurance Long Ad

समाजसेवी, जिल्ला समन्वय समिति दोलखाका सदस्य तथा हालै गठित नेपाल खेलकुद महासंघका केन्द्रिय कोषाध्यक्ष विदुर शर्माले खेलाडीलाई प्रोत्साहन स्वरुप नगद ७० हजार र शैक्षिक सामग्री वितरण गरेका छन् । आज सम्पन्न दोलखाको जिल्ला स्तरिय राष्ट्रपति रनिङ शिल्ड प्रतियोगितामा सहभागी हुँदै नेकपा (एमाले) का नेता समेत रहेका शर्माले उक्त सहयोग हस्तान्तरण गरेका हुन् ।

शर्माले स्वर्गीय पिता हरिशंकर उपाध्यायको अक्षय कोष बाट प्रथम, द्वितीय, तृतीय हुने पालिका लाई क्रमश रु. २५०००, रु. १५००० र रु १०००० नगद पुरुस्कार प्रदान गरेका हुन् । साथै भलिवल तर्फ प्रथम हुने मेलुङ पालिकाका खेलाडीलाई नगद रु २०००० हौसला स्वरुप प्रदान गरेका छन् । मेलुङ उनको गृह पालिका समेत हो ।

साथै शर्माले जिरी मा. बि. का २० जना विद्यार्थीलाई स्कुल ब्याग र २० जना विद्यार्थीलाई कापि, कलम, पेन्सिल र ज्योमिट्रि बक्स बितरण गरेका छन् । शर्माले विद्यालयलाई खेलकुद सामाग्री समेत हस्तान्तरण गरेका छन् । शैक्षिक र खेल सामग्री हस्तान्तरण गरे पश्चात शर्माले विद्यार्थीको उज्जवल भविष्यको कामना गरेका थिए । कार्यक्रममा सहभागी राष्ट्रिय युवा संघका प्रभावशाली केन्द्रिय नेता धिरज सुवेदीका अनुसार शर्माले यो भन्दा अगाडी पनि थुप्रै शैक्षिक सामग्री हस्तान्तरण गरिसक्नु भएको र लकडाउनको समयमा मेलुंगबासीलाई सुरक्षित तवरले घर फर्किन २५ लाख भन्दा बढीको सहयोग गरेका थिए ।

१२ वैशाख २०७८, आइतवार १७:४७ बजे प्रकाशित

प्रतिक्रिया दिनुहोस्

सम्बन्धित शीर्षकहरु