जिल्ला प्रहरी कार्यालय ललितपुरद्वारा असार महिनाको उत्कृष्ट प्रहरी घोषणा
ललितपुर । जिल्ला प्रहरी कार्यलय ललितपुरले असार महिनाको उत्कृष्ट प्रहरी घोषणा गरेको छ ।कार्यलय प्रमुख प्रहरी बरिष्ठ उपरीक्षक शेखर खनालले जिल्ला प्रहरी परिसर ललितपुरमा कार्यरत प्रहरी नायव निरीक्षक सिताराम तिमल्सिनालाई नगद पुरस्कार तथा प्रशंसा-पत्र प्रदान गर्नु भएको थियो ।
नेपाल प्रहरी संगठनले दिएको जिम्मेवारी पूर्णरुपमा लगनशील, कर्तव्यनिष्ठ एंव अपराध अनुसन्धान र प्रहरी कारबाहीमा प्रभावकारी भूमिका निर्वाह गर्नुका साथै सर्वसाधारण नागरिकलाई सुरक्षाको अनुभूति गराउने कार्य गरी आम नागरिकका माझ प्रहरी संगठनको गरिमा राख्न सफल भएको हो ।
उक्त योगदानको उच्च कदर गर्दै नगद पुरस्कार तथा प्रशंसा-पत्र सहित प्रहरी नायव निरीक्षक सिताराम तिमल्सिनालाई २०८१ साल असार महिनाको “Police of The Month” को घोषित गरि पुरस्कृत गरिएको हो ।
६ साउन २०८१, आइतवार १७:२६ बजे प्रकाशित
