काठमाडौ। एमाले–माओवादी केन्द्रको एकता संयोजन समितिको बैठक मंगलबार विहान ९ बजे प्रधानमन्त्री निवास बालुवाटारमा बस्ने भएको छ।

एमाले अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहाल ‘प्रचण्ड’ बीचको आज सोमबारको बैठकले यो निर्णय गरेको हो। अघिल्लो हप्ता डाकिएको संयोजन समितिको बैठक प्रचण्डको अस्वस्थता र लगत्तै चितवन गए पछि बैठक रोकिएको थियो।

बैशाख ९ मा पार्टी एकता गर्ने भनिए पनि संयोजन समितिको बैठक आज सम्म पनि बस्न नसक्दा एकता प्रति आशंका उत्पन्न हुन थालि सकेको छ।