काठमाडौं । फ्रान्सेली जहाज निर्माता कम्पनी एअरबस निर्मित ए ३३०-२०० सिरिजका २ वटा वाइडबडी जहाज खरिद घोटालामा आफ्नै पार्टी नेतृत्वको सरकार र मन्त्रीहरू मुछिँदा पनि (ने.क.पा.) का अध्यक्षद्धय के।पी।शर्मा ओली र पुष्पकमल दाहालले आश्चर्यजनक मौनता साँधेका छन् ।

संसद मातहतको सार्वजनिक लेखा समितिले वाइडबडी किन्दा घोटाला गरेको जनाउँदै नेपाल वायुसेवा निगमका महाप्रबन्धक सुगतरत्न कंसाकार, संस्कृति तथा पर्यटन मन्त्रालयका वहालवाला सचिव कृष्णप्रसाद देवकोटा र तत्कालीन सचिव शंकरप्रसाद अधिकारीमाथि कारबाही गर्न अख्तियार दुरूपयोग अनुसन्धान आयोगलाई निर्देशन दिइसकेको छ ।

तर, सत्ताधारी नेकपाका अध्यक्षद्वय दाहाल र प्रधानमन्त्री ओली हालसम्म यस खरिद घोटालाबारे केही बोलेका छैनन् । महाकाली सन्धीदेखि नै आर्थिक अपारदर्शीताको आरोप खेपिरहेका ओली र माओवादी युद्ध, शान्ती प्रकृयादेखि लडाकु व्यवस्थापनसम्मका काममा चेक खोसेर बदनामी कमाएका दाहालले एअरबस खरिद प्रकरणमा साँधेको मौनताले आशंकाको तीर उनीहरूतिरै सोझिँदै गएको छ ।

विमान खरिद घोटालामा मुछिएका मन्त्री रविन्द्र अधिकारीलाइ चोख्याउन पार्टीका सांसदमार्फत सार्वजनिक लेखा समितिलाइ प्रभावित पार्न खोजेका दाहाल र ओलीले एकाएक न्यायिक छानबीन समिति गठन गरेका छन् । सार्वभौम भनिने संसदको छानबीन मान्न नसकिने अभिव्यक्ति सरकारकै सञ्चारमन्त्री गोकुल बाँस्कोटाले दिइसकेका छन् ।

संसदको लेखा समितिअन्तर्गत गठित उपसमितिले गरेको छानबीनमा नेपाल वायुसेवा निगमलाइ विमान खरिद गर्दा ४ अर्ब ३५ करोड भ्रष्टचार भएको पाइएको छ । सिन्डिकेट देखि एकाधिकारलाइ कायम राख्न शक्ति खर्चिरहेका दाहाल र ओली यति ठूलो घोटाला हुँदा पनि चुइँक्क नबोल्नुलाइ सर्वसाधारण नागरिकले अर्थपूर्ण रूपमा हेरेका छन् ।

उन त यो काण्डमा कांग्रेस सभापति शेर बहादुर देउवाले पनि ३० करोड हात पारेको श्रोतको भनाई छ। झलनाथ खनालले २२ करोड दम्पच पारेको र ओली र प्रचण्डले सबै भन्दा धेरै कब्जा गरेको उच्च श्रोतको भनाइ छ।