दाङमा एक महिलाले जन्माइन् ३ शिशु

दाङ । दाङकी एक महिलाले एकैपटक तीन बच्चालाई जन्म दिएकी छन् । दाङको तुलसीपुर उपमहानगरपालिका–१५ कोठरी निवासी गौमती बुढाले नेपालगञ्ज मेडिकल कलेजमा तीन बच्चाको जन्म दिएकी हुन् ।

जन्मिएका बच्चाहरुमा पहिलो सन्तानको रुपमा एउटा छोरा र दुईवटी छोरीको जन्म दिएकी हुन् । अहिले आमा र तीनवटै बच्चाको स्वास्थ्य अवस्था राम्रो रहेको छ। तीनवटै बच्चाको तौल २ दशमलब ५ किलोभन्दा बढी रहेको छ ।

स्वास्थ्य राम्रो रहेकाले उनीहरुलाई घर पठाइएको नेपालगञ्ज मेडिकल कलेजका प्रबन्ध निर्देशक डा। सुरेशकुमार कनोडियाले जानकारी दिए ।